Kangan

From:- Sikandar Khan

Kash Main Tere Haseen Hath Ka Kangan Hota,
Tu Bary Piyar Se Bary Chao Se Bary Arman K Sath..!

Apni Nazuk Si Kalai Mein Charhati Mujh Ko,
Aor Be-tabi Se Furqat K Khizaan Lamhon Mein..!

Tu Kisi Soch Mein Doobi Jo Ghumati Mujh Ko,
Main Tere Hath Ki Khushbu Se Mehak Sa Jata..!

Jab Kabhi Mood Mein Aa Kar Mujhe Chuma Karti,
Tere Honton Ki Shiddat Se Mein Dehak Sa Jata..!

Raat Ko Jab Bhi Tu Neendon K Safar Par Jati,
Marmari Hath Ka ik Takya Banaya Karti..!

Main Tere Kaan Se Lag Kar K Batein Karta,
Teri Zulfon Ko Tere Gaal Ko Chooma Karta..!

Jab Bhi Tu Band Qaba Kholny Lagti Janaa`n,
Apni Ankhon Ko Tere Husn Se Khera Karta..!

Mujh Ko Be-Taab Sa Rakhta Teri Chahat Ka Nasha,
Main Teri Rooh K Gulshan Mein Mehakta Rehta..!

Main Tere Jism K Angan Mein Khankta Rahta,
Kuchh Nahin To Yahi Be-Naam Sa Bandhan Hota !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply