From:- Saba Sagar

Khaialon main faqat eh sholah_e_awaaz baki hai,
Na koi geet baki hai na koi saaz baki hai..!

Sab apne bhaid ham ne faash kar dale zamane par,
Magar jo tuj se kahna tha wohi ek raaz baki hai..!

KHUDAWAND,hameen phir se nai ek zindagi deyde,
Baredapar hain lekin hasrat_e_parwaaz baki hai..!

Nazar main raat k peychale paher jasi khamoshi hai,
Magar dil k dharakne ka wohi andaaz baki hai..!

“Qateel” is ahed be mahni main lafzon ka hai yh alam,
K mahni ho gaye rukhsat faqat awaaz baki hai..!!!