MSN Ki Wo Mulakatein

Msn ki wo mulakatein
wo pyar bhari batein
wo loging hony ka intzaar
wo intzaar ki saaetein
kaho kya bhool jao ge?

wo farzi naam ka btana
haha likh ker jhoota qehqaha lagana
wo ASL poochny par
apni umar ko aor kam btana
kaho kya bhool jao ge?

wo pyar bhari tehreerien
wo Msn ki emotion tasweerein
wo nick mein haal-e-dil likhna
wo net ko fast karny ki tadbeerien
kaho kya bhool jao ge?

wo typing se unglion mein dard hona
kisi baat per gusay se chehry ka zard hona
lafz sorry ka screen par atay hi
lehjay ka phir se sard hona
kaho kya bhool jao ge?

wo jaagna roz raton mein
wo chalakna pyar baton mein
wo type karty karty
lena mouse hathon mein
kaho kya bhool jao ge?

wo Msn pe doosron ko ignore karna
har jumley par bohat ghor karna
wo dil per hath rakh kar bye kehna
aor zara der aor rukny per zor karna
kaho kya bhool jao ge?

tumhary login hotay hi
dostoon ka wo jhumgutha lag jana
tum se bat karny ki khatir
sir dard ka wo jhoota bahana
kaho kya bhool jao ge?

bewaja ki batoon per takraar karna
baar baar net meeting per israar karna
wo roman urdu mein ki gayi batein
pyar ka dabay lafzon mein izhar karna
kaho kya bhool jao ge?

wo doston se tumhara ID chupana
kabhi font badalna kabhi gungunanaa
der se jawab anay per
busy hony ka ilzam lagana
per lagta hai tum bhool gaye……
Msn k aanchal per likhi hoyi kahani
per mujh ko yad hai har ik lafz zubani
khudara na tum aisa sitam karo
na karo tum aisi nadani…!!!
From:- Saba Sagar

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply