From:- Sikandar Khan

Tha Buhat Khush Jo Bhula Ke Mujhe,
Aaj Royaa Gale Laga Ke Mujhe..!

Us Ne Pehle Sawal Yeh Puchha,
Tum ko Kaisa Laga Ganwa Ke Mujhe..!

Zindagi Ne Toh Azmaya Hai,
Dekh Lo Tum Bhi Azma K Mujhe..!

Us Ne Rasta Badal Liya Apna,
Piyar Ki Raah Par Chala K Mujhe..!

De Gaya Umer Bhar Ke Aansu,
Jo Kabhi Hansta Tha Hansa K Mujhe..!

Ajeeb Shakhs Tha Jate Hue Who,
Khud Bhi Roya Buhat Rulaa K Mujhe..!

Mujh Ko Pathar Bana Ke Kehta Hai,
Jaan ! Dekho Na Muskura Ke Mujhe !