Shidat-E-Jazbaat

From:- Sikandar Khan

Din Guzarty Hain Kahan Raat Kahan Hoti Hai,
Dard K Maron Se Yeh Baat Kahan Hoti Hai..!

Ek Se Chehry To Hoty Hein Es Duniya Mein,
Ek Si Surat-E-Halaat Kahan Hoti Hai..!

Zindgi K Kisi Mor Pe Woh Bhi Milain Gy,
Mil To Jaty Hain Mulakaat Kahan Hoti Hai..!

Aasmano Se Koi Boond Nahi Barsy Gee,
Jalty Sehraon Mein Barsaat Kahan Hoti Hai..!

Yoon To Aoron Ki Bohat Baatein Sunai Un Ko,
Apni Jo Baat Hai Woh Baat Kahan Hoti Hai..!

Jesi Agaaz-E-Mohabbat Mein Hua Karti Thi,
Wesi Phir Shidat-E-Jazbaat Kahan Hoti Hai..!

Piyar Ki Aag Bana Deti Hai Kundan Jin Ko,
Un K Zehno Mein Bhala Zaat Kahan Hoti Hai !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply