Be Wafaie

From:- Sikandar Khan

Bichhar K Mujh Se Mashgala Akhtiyar Karna,
Hawa Se Darna” Bujhe Charagon Se Piyar Karna..!

Khuli Zameeno Mein Jab Bhi Sarson K Phhool Mehkain,
Tum Aysi Rutt Mein Sada Mera Intzar Karna..!

Jo Log Chahain” To Phhir Tumhain Yaad Bhi Na Aaein.
Kabhi Kabhi Tum Mujhe Bhi In Mein Shumaar Karna..!

Kisi Ko Ilzaam Be-wafaie Kabhi Na Dena,
Meri Tarha” Apny Aap Ko Soguaar Karna..!

Tamaam Wade Kahan Talak Yaad Rakh Sako Gey ?
Jo Bhool Jaien Woh Ehad Bhi Astwar Karna..!

Ye Kis Ki Aankhon Ne Baadlon Ko Sikha Dia Hai,
Keh Seen-A-Sang Se Rawaan Aabshar Karna..!

Main Zindgi Se Na Khul Saka Es Liy MOHSIN”,
Keh Behty Huy Pani Pe Kab Talak Aitbar Karna !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply